موضوعين في موضوع واحد حياكم الله

13 5

لايمكنك التصويت حتى الحصول على 20 نقطة على الأقل
إضغط هنا للإخفاء

شاقح بن مشقوح الشقيحاني 22707
قبل 10 سنه و 8 شهر

السلام عليكم ورحمة الله وبركاته
يامرحبا بالشباب جميعا
قبل يوم نزلت موضوع الكفرات وقلت اني غيرت مقاس الكفرات والبعض قال راح تاثر او مثل
انا بقولكم على شلغه يمكن محد يدري عنها 
معروف الفيكتوريا والماركيز نفس بعض بس الفرق في البرمجه والاكسسوارات فقط لدرجة انك تقدر تركب قطع ميكانيكيه على بعض عادي جدا

طبعا اللي قالوا ليه غيرت المقاس بتضر السياره 
هذا الكلام صحيح وانا اعرفه لكن هناك سر  خافي تدرون وشهو طبعا للمديلات 2006 وانت طالع اللي جنوطها 17

الفيكتوريا مقاس الكفر 17-55-235 شد بلد كما هو مكتوب على استكر مواصفات ومقاس الكفرات
الماركيز مقاس الكفير 17-60-225  شد بلد كما هو مكتوب على استكر مواصفات ومقاس الكفرات

!!!
انا مدري وش السر اللي خلاهم يحطون فرق في مقاس العرض والارتفاع رغم ان السيارتين مثل بعض
اول كنت مركب 17-60-225 مثل ماهو موضح من المصنع 
ويوم ركبت 17-55-235 كنت خايف من حاجه واحده بس ( التنقيز ) والحمدلله ماطلع تنقيز مع الكفرات الصينيه

لذلك بالنسبه لماركيز والفيكتوريا كلها زي بعض لكن تغيير المقاسات مدري وش سره وتقدرون تشيكون على سياراتكم
لذلك انا ماكنت شايل هم اختلاف مقاس الكفر 
لان المصنع وضع مقاسين فماعتقد مقاس الفيكتوريا بياثر على المركيز لان التصميم والوزن وكل شي نفس بعض

الا اذا ركبت مقاس يختلف بشكل كبير مثل 18-60-235  هنا اقول بتصير مشاكل
لهذا السبب غيرت مقاس الكفر وزادت الرساوه بشكل ملحوظ
موضوع انتهينا منه

الموضوع الثاني
نهاية السنه او يمكن في رمضان مو مستعجل ناوي اقفز قفزه نوعيه 
بغير سيارتي واتزوج مره وحده 
وهالمره قلت السياره ابيها تكون حقت كرف ومكده ووين ما اروح مابتقول لا خصوصا شوارعنا مكسره 
وحسب طيعة استخدامي لاني براعي سرعه ولا شي
بس سفريات وخطوط 
الجيوب اسعارها غاليه والتويوتا غالي حتى وهو مستعمل وانا ابي موتر جديد
رسيت على الدي ماكس بعد تجربه بالقوه حصلت عليها ووجدت ان السياره توافي جميع متطلباتي وتنفع لاستخدامي

السياره عليها نظام ايجار منتهي بالتمليك حلو ايجار منتهي بالتمليك نفس السعر بدون فوائد ولاريال
دفعه اولى نص قيمة السياره 45 الف
والباقي اقساط على سنتين يطلع قيمة السياره 90 نفس قيمة الكاش

لكن اللي خلاني اتاخر شوي
مافيه abs ولا اي رباق وبعد البحث وجدت انه فيه كم واحد اشترو دي ماكس فيها abs واير باقات
بس الوكلاء جالسين يتلاعبون وبينهم تنافس ولحد الان لم اجد abs واير باقات 
فماني مستعجل مديل 2014 بيصير نهاية السنه ب85 كعرض تصفيه عشان خاطر مديلات 2015 وانا الكسبان

لكن حبيت اخذ رايكم وش اخذ دي ماكس ( GT ) 
اللون الاسود اللامع
او الؤلؤي 
طبعا هذا اصدار خاص ومقاعده من جوه اسود واحمر وليعه بعض التعديلات مثل اللي فالصوره
طبعا افكر احط صندوق مغلف فالحوض واشتري عده كامله للرحلات والكشتات والعلوم الزينه 

https://www.youtube.com/watch?v=QyRjLfyTcVs

https://www.youtube.com/watch?v=Zp2YS2Bj400

https://www.youtube.com/watch?v=c36AY4EaIT4

إبلاغ

الردود